أكيد كثيرين منكم من قبل مايقارب شهرين او اكثر لاحظ عند دخوله لمواقع عربية كثيرة وخاصة المواقع الاخبارية

أمثال موقع الرياض و الجزيرة وجود روابط كثيرة لجامعة الملك السعود

وسأل نفسه وش سبب هالثورة التعليمية الغريبة؟

ناهيك عن وجود روابط للجامعتين في مواقع لاعلاقة بينها وبين محتواهيما امثال ترايدنت وبعض مواقع الدردشة والخ

السبب ببساطة التقرير اللي ذكر ترتيب الجامعات السعودية على مستوى متدني جدا

فجا واحد مسمي نفسه دكتور بالعلوم البحرية وحاطينه الاخ مسؤوول عن موقع الجامعة

وطق صدره وقال هالتقرير يتكلم عن المواد بالنت ونشرها

اجل وش رايك ياعم الحق ننشر روابط للجامعة عشان يرتفع ترتيبنا وبكل بجاحة

خرج وكتب مقال طول عرض بعد نشرهم للروابط يقولون التقرير كان ظالم وراهم الحين ماعدلو ترتيبنا؟

باختصار الموقف كانك كنت واقف في طابور المدرسة ولا معك كتب وطردك المدير

ثم رجعت لبيتكم وقالك ابوك وراك جاي بدري قلت المدير طردني قالك وشوله قلت عشان ماعندي دفاتر

قام الشايب المسكين صكك بكم خمسمية وقالك رح اشتري دفاتر

ويوم وصلت المدرسة شافك المدير وقالك وين كتبك قلت للمدير احمد ربك ان جبت دفاتر بس!

توضيح للمثال السابق

الطالب=المسؤولين عن الجامعة

المدير= المصنف لترتيب الجامعات

كتبك = مدى اعتراف الجامعات الكبيرة بالعالم بموادك وبحوثك التعليمية ومستواها

دفاترك = روابطك بالمواقع الاخرى

الشايب المسكين = الحكومة !

وسلمني على دكاترة العلوم البحرية يوم يسوون فيها ويمسكون شيء اسمه تطوير مواقع الكترونية : )

Advertisements